مرحبااااا بنوتات
شخباركم؟ ان شاء الله تكونون بالف خيييير

بقولكم موقف صار لي السنة اللي راحت
هذا الموقف مستحييييييل انساه

بس قبل ماتقرون: ترا اللي بتزودها بالضحك
رح يصيرلها مثلي

كنا جالسين في الفصل بين الحصتين(يعني ماعندنا معلمة)
نسولف انا وصديقاتي..
جت طالبة قالت: جوري وبتولة ويُوم (صديقاتي) تبيهم المساعدة!!!!!
طلبتهم كلهم الا انا؟!!!! سألتهم وش السالفة؟ قالو ماندري

عاد انا بدا عرق اللقافة اللي فيني يثبت وجوده..
ماقدرت اقعد عالكرسي..
وقفت فوق الكرسي وقعدت اناظهم من الشباك الييين مااختفوا عن عيني
وانا الى الحين واقفة على امل اعرف السالفة

شفت المعلمة اللي علينا جاية.. قلت اسوي خير بالبنات واقولهم انها جت عشان يدَخلون المخالفات اللي معهم

التفت لهم وقلت بهبااااال وصوت عااالي: لقد جاءت استاذه الفيزي << اسم المدرسة قلتها كيذا بدون استاذة ولاشي<<واثقة

لما التفت مرة ثانية للشباك... لقيتها تبتسملي ذيييييك الابتساااااااامة....
اللي من شفتها عرفت وش بيجيني
(ماتوقعت انها تسمعني لانها كانت بأأول الممر مدري شلون وصلت بهالسرعة!!!)

ولما دخلت الفصل.. كنت انا قاعدة أصمغ وجهي<<عشان أخفف من قوة الطيحة<< مسكييينة
تخيلوا انكم تستعدون لطيحة وجه... وش يكون شعوركم؟؟؟؟؟؟

كنت انتظرها تبدأ بالقاء محاضرة عن احترام المعلم<<وطبعاً رح اكون انا محور حديثها
..

استغرَبت لما تكلمت بكل هدووووء
قالت: اللي كانوا عند الباب يرجعون عند الباب
(وتناظرني) واللي كانوا فوق الكراسي يرجعون على الكراسي :shock:

ابتسمت على بالي تمزح عشان تضفي جوا من المرح قبل ما تفشلني

ولما ناظرتها... لقيتها تنتظر أنفذ اللي قالت<<< يعني جااااااااادة


.................

عاد انا هينا تكلمت
يااستاذة والله ماكان قصدي..يااستاذة بس كنت اناظر صديقاتي.. يااستاذة بشوفهم وين يروحووون.. يااستاذة... ويااستاذة

وماااااااااافيه فاايدة

....



استسلمت للأمر الواقع... ومن حطيت رجلي عالكرسي....
بدأت نوبة الضحك الهستيري..
مو بس البنات.. حتى أنا<<لاني بطبيعتي اذا انحرجت اضحك وكل مازاد الاحراج زاد الضحك يعني العلاقة طردية<<اوخص
عاد تخيلو شكثر كنت منحرجة؟؟
كنت واقفة فوق الكرسي وماسكة بطني ووجهي محمممممممر من الضحك


يا الله لوتشوفون شكلي<< مسكييينة
اناظر قدام القى كللل العيون اللي بالفصل موجهه علي
اناظر على جنب.. اشوف البنات متقطعيين من الضحك

هذا غير التعليقات اللي تنهال علي من كل جانب<كل البنات طبت عليهم خفة الدم< حتى المدرسة قامت
تستخف دمها

استمرينا كيذا تقريباً عشر دقايق..

وبعد ماهدى الوضع شوي....

تخيلوا وش صار؟؟؟؟
v
v
v
v
v
v
v
v
v
v
v
v
دخلوا للفصل
v
v
v
v
صديقااااااااااتي


اول ما دخلوا ماشافوني.. كانوا يستأذنون المدرسة بالدخول


واول ما التفتت جوري تبي تروح لمكانها




ما اقدر اوصف ملامحها<< انتوا تخيلوها

قعدت ساكتة شوي بعدين انفجررررررررررت ضحك




كنا حنا مخلصين ضحك وبدأت المعلمة تهدد اللي تضحك<<مسكييينة جوري ما لحقت على الضحك
خخخخخخخخخخخخ
....

وذاك اليوم.. كنت انا بطلة الفيلم الكوميدي اللي توه نازل (بس عادي روحي رياضية)

...

حتى بعد مارجعت للبيت
كنت أضحك فجأه وانا لحالي بالغرفة(لما اتذكر)
بس احاول اسكت عشان ماتشوفني امي
وتحسبني استخفيت... :D

.......


ادري طولت عليكم
بس ان شاء الله تكونون انبسطتو..


بااااااي